జిల్లా కలెక్టర్ చే నూతన వెబ్ సైట్ ఆవిష్కరణ

ది .04-01-2024 డా.బి.ఆర్. అంబేద్కర్ కోనసీమ జిల్లా కలెక్టర్ శ్రీ హిమాన్షు శుక్లా గారిచే కోనసీమ ఫోటోగ్రాఫర్ల అసోసియేషన్ నూతన వెబ్ సైట్ ను ప్రారంభించడం జరిగింది. అసోసియేషన్ ఏర్పడి నేటికీ ఒక సంవత్సరకాలం ముగిసింది. ప్రమాణస్వీకారం జరిగిన ఇదే రోజున వెబ్ సైట్ ఆవిష్కరించడం దీనికి ముందు లోగా ఆవిష్కరణ లాంటి కార్యక్రమాలు చేపట్టడం మంచి పరిణామం .ఈ సందర్భంగా జిల్లా కలెక్టర్ హిమాన్షు శుక్లా మాట్లాడుతూ కొత్త వెబ్ సైట్ డిజైనింగ్ బాగుందని, జిల్లా అసోసియేషన్ కార్యవర్గం ఫోటోగ్రాఫర్లకు చేసే కార్యక్రమాలు వారి ఆలోచనా విధానాలు బాగున్నాయని కొనియాడారు. ఇప్పుడున్న పోటీ ప్రపంచంలో కొత్త టెక్నాలజీ అవసరం ఎంతో ఉందని వాటికి అనుగుణంగా తమ వృత్తిని కొనసాగించాలని తెలియజేశారు. జిల్లా అంతా ఒకటే ఐడి కార్డు ఉండేలా ఏర్పాటు చేయడం మంచి ఆలోచన అన్నారు. కొత్త ఐడి కార్డులను సభ్యులకు అందజేశారు జిల్లా లోని ఫోటోగ్రాఫర్లకు కావాల్సిన అన్ని సహకారాలు అందజేస్తానని అన్నారు. జిల్లా ప్రెసిడెంట్ గెడ్డం సురేష్ కుమార్ మాట్లాడుతూ ఈ నూతన వెబ్సైట్ వలన జిల్లాలోని ప్రతి ఫోటోగ్రాఫర్ ను ఆన్ లైన్ రిజిస్ట్రేషన్ చేసి డిజిటల్ ఐడి కార్డ్ ఇవ్వడం జరుగుతుందని ఫోటోగ్రాఫర్ల సమస్యలను పరిష్కారం చేయడం సులభం అవుతుందని తెలిపారు. ఈ కార్యక్రమంలో జిల్లా అధ్యక్షులు గెడ్డం సురేష్ కుమార్, వైస్ ప్రెసిడెంట్ మనోజ్, పి.ఆర్. ఓ. సత్య ప్రసాద్, జిల్లా మెంబర్ రాజేష్, జిల్లా ఆర్గనైజింగ్ సెక్రటరీ రమణ, అమలాపురం అసోసియేషన్ ప్రెసిడెంట్ నగేష్, గౌరవ అధ్యక్షులు చింతపల్లి శీను, కొత్తపేట అసోసియేషన్ ప్రెసిడెంట్ ఏడుకొండలు, నామాల వెంకటేశ్వరరావు , అయినవిల్లి ప్రెసిడెంట్ ప్రకాష్, అంబాజీపేట ప్రెసిడెంట్ గిరి ట్రెజరర్ ప్రతాప్ ,కె.గంగవరం ప్రెసిడెంట్ సుబ్రమణ్యం, సెక్రటరీ శ్రీనివాస్, ఉప్పలగుప్తం ప్రెసిడెంట్ వెంకటేశ్వరరావు సెక్రటరీ భవాని శంకర్ పాల్గొన్నారు.